Yüksək bal toplayan əkizlər eyni ixtisası seçdilər - FOTO

  11 Sentyabr 2019    Oxunub : 1548
Yüksək bal toplayan əkizlər eyni ixtisası seçdilər - FOTO
Rəşad və Rəşid Azadlı qardaşları yüksək bal toplayaraq (Rəşad 679.3 bal, Rəşid 663 bal) Bakı Ali Neft Məktəbinin (BANM) Neft-qaz mühəndisliyi ixtisasını seçiblər.
Azvision.az xəbər verir ki, neft-qaz sənayesinə maraq atalarının uzun illər SOCAR-ın Qaz İxrac İdarəsində işləməsi ilə yaranıb. Bununla belə, valideynləri onların ixtisas seçimlərinə heç bir müdaxilə etməyiblər. Onlar ixtisasları üzrə Bakı Ali Neft Məktəbində peşəkar ingilisdilli mühəndis kimi yetişəcəklərinə əmindirlər.

Rəşad deyir ki, əkiz olduqları üçün maraq dairələri də eynidir. Hər ikisi tennis oynamağı çox sevir. Əkizlər BANM-də eyni ixtisasla yanaşı, həm də, eyni qrupda təhsil alacaqlar.

Qeyd edək i, hər iki qardaş Bakı şəhəri 147 saylı Texniki Humanitar liseyinin məzunudur.

Rəşad Azadlı Azərbaycan Respublikası Prezidenti İlham Əliyev tərəfindən imzalanmış sərəncama əsasən, 2019/2020-ci tədris ilində tələbə qəbulu imtahanlarında I ixtisas qrupu üzrə ən yüksək nəticələr göstərmiş və Bakı Ali Neft Məktəbinə daxil olmuş Prezident təqaüdçülərindən biri olub.

Müvafiq sərəncamla yeni tədris ilində 23 BANM tələbəsi prezident təqaüdü alacaq.





Azvision.az

Teqlər: BANM   Əkiz   Qardaş   İmtahan   Qəbul