“Şahdəniz”dən 8 milyard kubmetr qaz çıxarılıb

“Şahdəniz”dən 8 milyard kubmetr qaz çıxarılıb
  21 Noyabr 2018    Oxunub:4494
Cari ilin yanvar-sentyabr aylarında “Şahdəniz” yatağından 8 milyard standart kubmetr təbii qaz və 1,8 milyon ton (təqribən 14,3 milyon barrel) kondensat hasil olunub.
Bu barədə Azvision.az-a “BP Azerbaijan” şirkətindən məlumat verilib. Bildirilib ki, mövcud “Şahdəniz” qurğularının maksimum hasilat gücü hazırda gündəlik 43 milyon standart kubmetr və ya ildə təqribən 16 milyard kubmetrdir.

Üç rüb ərzində “Şahdəniz” yatağı Azərbaycan (SOCAR-a), Gürcüstan (“GOGC” şirkətinə) və Türkiyə (“Botaş” şirkətinə) bazarlarına və çoxsaylı obyektlər üçün BTC şirkətinə etibarlı şəkildə qaz çatdırılmasına davam edib.

Doqquz ayda “Şahdəniz” üzrə fəaliyyətlərə 418 milyon dollardan çox əməliyyat və təxminən 1,14 milyard dollar isə əsaslı xərclər sərf olunub. Əsaslı xərclərin böyük əksəriyyəti “Şahdəniz-2” layihəsinə aiddir.

“Şahdəniz”də iştirak payları belədir: BP (operator – 28,8 faiz), AzŞD (10 faiz), “SGC Upstream” (6,7 faiz), “Petronas” (15,5 faiz), “LUKoil” (10 faiz), “NICO” (10 faiz) və “TPAO” (19 faiz).

Azvision.az


Teqlər: BP   Qaz   Şahdəniz  





Xəbər lenti