AzVision.az xəbər verir ki, Rusiya Xarici İşlər nazirliyinin rəsmi nümayəndəsi Mariya Zaxarova jurnalistlərin guya Azərbaycan Xarici İşlər nazirliyinin mətbuat katibi Ayxan Hacızadənin yazdığı saxta məktubla bağlı sualını cavablandırarkən belə deyib.
“Bu, Rusiya ilə Azərbaycan arasında hətta onilliklərdən də artıq müddətdə qurulan, hörmət və sülh şəraitində bir yerdə və birgə yaşayan xalqların normal münasibətlərinin olmasını istəməyənlər üçün faydalıdır. Ümid edirəm ki, xalqlarımız bu şəkildə yaşamağa da davam edəcəklər. Bu kimin boğazından keçmirsə, belələri isə çoxdur, onlara da lazımdır. Ancaq bunun sifarişçisinin kim olduğunu konkret deyə bilmərəm, müvafiq araşdırma aparılmalıdır”, - Zaxarova bildirib.
Onun sözlərinə görə, iki ölkə və ümumilikdə MDB-yə üzv dövlətlər arasında münasibətləri pisləşdirmək cəhdlərinin arxasında Qərb dayanır. Bu sifariş yalnız mövcud deyil, onlar milyardlarla pul ödədiklərini, nəhəng Avrasiya məkanının daim təxribatlar və digər çirkin alətlərlə təzyiq altında qalması üçün hər şeyə hazır olduqlarını gizlətmirlər də.
Qeyd edək ki, yanvarın ortalarında internetdə guya Rusiyanın Xarici İşlər naziri Sergey Lavrovun azərbaycanlı həmkarı Ceyhun Bayramova göndərdiyi iddia edilən məktub yayılıb. İngilis dilində yazılmış mətndə bildirilir ki, Rusiya öz hava məkanından istifadənin təhlükəsizliyinə zəmanət verə bilmir. Rusiya XİN-i bu məktubu “reallıqla heç bir əlaqəsi olmayan həyasız saxtakarlıq” adlandırıb.
Azərbaycan Xarici İşlər nazirliyinin mətbuat katibi Ayxan Hacızadənin adından yayılan saxta bəyanatda isə iddia edilib ki, istintaqın ilkin nəticələri guya AZAL-a məxsus təyyarənin quşlarla toqquşması versiyasını təsdiqləyir.
Sahil İsgəndərov
AzVision.az
Zaxarova: “Uydurma xəbərləri münasibətləri pozmağa çalışanlar yayır”
31 Yanvar 2025
Oxunub:299
Azərbaycan və Rusiya rəsmilərinin yazdığı iddia edilən saxta məktubların arxasında Bakı ilə Moskva arasında uzunmüddətli münasibətləri korlamaq istəyənlər dayanır.
Teqlər: Zaxarova Bakı-Moskva feyklər
Vaxtında, Aydın, Lazımlı!
-1737469877.jpg&h=190&w=280&zc=1&q=100)
-1649406245.jpg&h=190&w=280&zc=1&q=100)
a-1727681504.jpg&h=200&w=200&zc=2&q=70)
