ABŞ rəsmiləri Parisdə Makronu alçaldıblar

ABŞ rəsmiləri Parisdə Makronu alçaldıblar
  18 Aprel 2025    Oxunub:624
ABŞ rəsmiləri Fransa prezidenti Emmanuel Makronu Parisdə alçaldıblar.
AzVision.az xəbər verir ki, belə bir iddia ilə Fransanın “Vətənpərvərlər” partiyasının lideri Florian Filippo çıxış edib. O qeyd edib ki, amerikalılar Ukrayna münaqişəsinin həlli kontekstində Fransa rəhbərinə sözün həqiqi mənasında “sülh dərsi" veriblər.

Makronun Fələstin planının arxasında nə dayanır? - Ekspertlərin şərhi
“Əslində, dünən onun üçün çox alçaldıcı bir gün idi. Trampın iki nümayəndəsi Parisin mərkəzində Makrona sülh dərsi keçib”, – Filippo "X" sosial şəbəkəsindəki (keçmiş Twitter-red.) səhifəsində yazıb.

Qeyd edək ki, Avropa ölkələri Ukrayna münaqişəsinin həlli üçün aktiv danışıqlar aparır. Aprelin 17-də Parisdə müxtəlif ölkələrdən olan siyasətçilərlə, o cümlədən ABŞ, Avropa İttifaqının(Aİ) rəhbərləri, Böyük Britaniya, Ukrayna nümayəndə heyəti ilə görüşlər keçirilib. Yelisey Sarayı yaydığı bəyanatda danışıqları “məhsuldar və konstruktiv” adlandırıb. Emmanuel Makron sülhə nail olmaq üçün “səyləri ikiqat artıracağına” söz verib.

“Reuters” agentliyi də diqqət çəkən məlumat yayıb. Belə ki, ABŞ-nin Dövlət katibi Marko Rubio aprelin 17-də Parisdə Avropa İttifaqı və Ukrayna nümayəndələri ilə görüşdən sonra gözlənilməz bəyanat səsləndirib. O deyib ki, əgər bir neçə günə Rusiya və Ukrayna arasında sülh razılaşmasının əldə edilə biləcəyinə dair aşkar əlamətlər olmasa, ABŞ bu yöndə vasitəçilik cəhdlərini dayandıracaq.


Tural Tağıyev
AzVision.az



Teqlər:   Makron   ABŞ   Paris   Ukrayna  





Xəbər lenti


Azvision.az ©2014 | Bütün hüquqları qorunur