İraqda terror əsdirdilər

  05 Mart 2013    Oxunub : 616
İraqda terror əsdirdilər
Avtomobil stadion yaxınlığında partladılıb.
İraqda törədilmiş bir neçə terror aktı nəticəsində ən azı 15 nəfər ölüb, 40-dan çox adam isə yaralanıb. Ria-Novostinin xəbərinə görə, partladıcı quraşdırılmış avtomobil Xan Bani Səəd şəhərində stadion yaxınlığında partladılıb, nəticədə 3 nəfər ölüb, daha 20 nəfər isə yaralanıb.
Agentliyin xəbərinə görə, paytaxtın cənubunda yaraqlılar kənd təsərrüfatı nazirliyinin əməkdaşı daxil olmaqla daha iki nəfəri qətlə yetirib.
Qeyd edək ki, Kərkük şəhərində də iki avtomobil partladılıb, nəticədə 5 polis əməkdaşı ölüb, daha 18 nəfər isə (polis əməkdaşları daxil olmaqla) yaralanıb.

AzVision


Teqlər: