Onun sözlərinə görə, Leyla Yunus daim Ermənistanın milli maraqlarına xidmət edib və bunu görməmək özünü aldatmaqdan başqa bir şey deyil: “Leyla Yunusa 3 milyon dollardan artıq qrant layihəsi veriblər. Bu adam həmin pullarn müqabilində Azərbaycanın ictimai şəxslərini Ermənistana aparırmış. Bütün dünyaya göstərirmiş ki, Azərbaycanla Ermənistan arasında münaqişə aradan qalxıb və artıq gediş-gəliş yaranıb. Leyla Yunus birbaşa Ermənistan xüsusi xidmət orqanlarına işləyirdi. Digər tərəfdən, ortaya sual çıxır ki, bu qədər pulun vergisini niyə gizlədirdin? Hansı ölkədə bu qədər vəsaitin vergisini gizlətmək olar? Qərbdə bu cür hallar baş verərsə, dərhal həmin QHT sədrinə cinayət işi acılar. Vətənə xəyanətə görə isə ömürlük azadlıqdan məhrum edərlər”.

BAXCP sədrinin müavini Niyaməddin Orduxanlı radikal müxalifətin, xüsusən də Əli Kərimlinin Leyla Yunusu müdafiə etmək üçün dəridən-qabıqdan çıxdığını dedi: “Kərimlinin əlinə imkan düşüb. Az qalır beynəlxalq təşkilatların gözünə girmək üçün Leyla Yunusu Nelson Mandela elan etsin. Heç olmasa indi utanın ki, bu adam bütün ömrünü erməni nökərçiliyi etməklə keçirib. Leyla Yunusun özü belə, bunu deməkdən çəkinməyib. Bu fakt onu göstərdi ki, Əli Kərimli kimi insanlar üçün heç bir dəyər, meyar yoxdur...”