HƏMAS-ın daha bir komandiri öldürülüb - VİDEO

   HƏMAS-ın daha bir komandiri öldürülüb -  VİDEO
  04 Aprel 2025    Oxunub:455
İsrail Hərbi Hava Qüvvələrinin Livanın cənubundakı Seyda şəhərinə PUA zərbəsi nəticəsində Fələstinin HƏMAS qruplaşmasının ali rütbəli komandiri Həsən Fərhat zərərsizləşdirilib.
Livanın "Al Mayadeen" telekanalının xəbərinə görə, aviazərbə şəhərdəki yaşayış binasına tuşlanıb. Terrorçu Həsən Fərhatla birgə onun oğlu Həmzə və qızı Cənan da həyatını itirib.

İsrail Ordusu faktla bağlı hələlik hər hansı şərh verməyib. Digər tərəfdən, İsrail Silahlı Qüvvələri Qəzza zolağının şimalında qurudan əməliyyatları genişləndirdiyini bildirib.
HƏMAS-ın daha bir neçə komandiri öldürülüb

Xatırladaq ki, aprelin 2-də İsrailin müdafiə naziri İsrael Kats orduya Qəzza zolağında hərbi əməliyyatları genişləndirməklə əlaqədar göstəriş verib. Əməliyyatın məqsədi ərazinin HƏMAS terrorçularından və terror infrastrukturundan təmizlənməsidir.

Zolağın cənubundakı Rəfəh şəhəri və ətrafında aparıan əməliyyat başlamazdan qabaq mülki sakinlərə ərazini boşaltmaq əmri verilib.

Firudin Həmidli
AzVision.az


Teqlər:   İsrail   HƏMAS   müharibə   komandir  





Xəbər lenti