Makronun Baş nazir vəzifəsi üçün namizədləri açıqlanıb

Makronun Baş nazir vəzifəsi üçün namizədləri açıqlanıb
  03 Sentyabr 2024    Oxunub:793
Fransa Prezidenti Emmanuel Makron iki aya yaxındır ki boş qalan Baş nazir postuna təyinatla bağlı hökumət nümayəndələri ilə hələ də məsləhətləşmələr aparsa da, onun iki namizəd üzərində dayandığı bildirilir.
Bu barədə yerli "BFMTV" telekanalına Makrona yaxın rəsmi şəxslər açıqlama veriblər. Onların sözlərinə görə, Fransa lideri hazırda iki şəxsin: O-de-Frans Regional Şurasının sədri, keçmiş əmək, məşğulluq və səhiyyə naziri (2010-2012) Ksavye Bertran və sabiq Baş nazir (2016-2017) Bernar Kaznövün "namizədlik ehtimalını nəzərdə keçirir".

Məlumatlı mənbələr vurğulayırlar ki, Emmanuel Makron hələlik "müxtəlif siyasi qüvvələrlə, o cümlədən müxalif Milli Cəbhə Partiyasının üzvləri ilə telefonla yenidən məsləhətləşmələr aparmaq niyyətindədir".

(Ksavye Bertran)


(Bernar Kaznöv)

Firudin Həmidli
AzVision.az


Teqlər: Fransa   Baş-nazir   təyinat  





Xəbər lenti


Azvision.az ©2014 | Bütün hüquqları qorunur