Türkiyədə daha bir aeroportun açılışı olacaq
![Türkiyədə daha bir aeroportun açılışı olacaq Türkiyədə daha bir aeroportun açılışı olacaq](https://azvision.az/photos/2024/07/cukurova_bolgesel_havalimani-e1721426563426-1721489818.jpg)
Yeni hava limanı Türkiyənin iki cənub vilayətinin - Adana və Mersin sakinlərinin ehtiyaclarını ödəmək üçün nəzərdə tutulub. Çukurova Hava Limanının tutumu ildə 8 milyon sərnişin olacaq.
Nəqliyyat Nazirliyinin rəhbəri qeyd edib ki, Mersin vilayətində hava limanının tikintisi “Tik-İşlət-Dövlət” dövlət-özəl tərəfdaşlıq modelinə uyğun həyata keçirilib.
Layihəyə 244,5 milyon avro xərclənib və yerin icarəsindən daxil olacaq ödənişlər 25 il ərzində dövlət xəzinəsinə 297 milyon 100 min avro qazandıracaq.
“Mülki aviasiya sektoru ölkəmiz üçün vacibdir. Türkiyədən 4 saatlıq uçuş zamanı 1,4 milyard əhalisi olan 67 ölkə var. 2053-cü ilə qədər biz aktiv fəaliyyət göstərən hava limanlarının sayını 61-ə çatdırmağı planlaşdırırıq”, -deyə türkiyəli nazir bildirib.
Uraloğlu qeyd edib ki, Çukurova Hava Limanı Türkiyənin ikinci ən böyük yük terminalına sahib olacaq ki, bu da Yaxın Şərq ölkələri ilə ticarətə ciddi töhfə verəcək.
O diqqətə çatdırıb ki, yeni hava limanının açılışından sonra 3 min insan işlə təmin ediləcək.
AzVision.az
Teqlər: