Bununla bağlı AzVision.az -a danışan A. Fərmanqızı bildirib ki, hazırda bal ayındadır və məhkəmənin qərarından xəbərsizdir:

Fərmanqızı Flora Kərimovaya 10 min ödəyəcək

- İndi bal ayındayam, dincəlirəm. Məhkəmə ilə bağlı işlərlə maraqlanmıram. Yoldaşım vəkil tutub, bununla o məşğul olur. Sizdən xəbər tutdum ki, Flora xanıma 10 min manat ödəməliyəm. Qanun qarşısında boynumuz qıldan incədir. Flora xanım üçün 10 min nədir ki, saçının telinə qurban olsun. Pul bir məndədir, bir də ingilisdə. (gülür)

Bilirsiniz ki, ailə qurub Rusiyaya köçmüşəm. Yoldaşım belə şeylərlə maraqlanmağa qoymur. Çalışıram ki qalmaqaldan uzaq durum. Ancaq mahnılarım üzərində çalışıram. “Gedirəm" adlı yeni klipim çıxıb.

Yeri gəlmişkən, “Salam yetir Qarabağa” adlı mahnı buraxdım. Bir jurnalist onunla bağlı yazmadı. Şimali Kiprə getmişdm. Orada hamı toy mahnısını oxuyanda mən həmin mahnını oxudum. Orada dedilər ki, bunu niyə oxuyursan ki? Belə mahnı ilə toy tutmayacaqsan. Dedim, ruzini verən Allahdır. Allah elə etdi ki, o mahnım geniş yayıldı, sevildi. Sözümün canı odur ki, sənətlə bağlı olanda biriniz də yığıb soruşmursunuz.

- Sənətə həmişə meydan var... Yeri gəlmişən, Flora xanım sizdən ondan üzr istəmənizi də tələb etmişdi. Belə bir şey olacaqmı?
- Gördüyünüz kimi üzürü təmin etməyiblər. Üzür istəməyəcəm. Pul istəyir, pulunu verərik. Ancaq iş bununla bitmir. Məhkəmənin qərarından apellyasiya şikayəti də verə bilərəm. Bir sözlə, bu məhkəmələr çox çəkəcək. Ona kimi də ya xan ölər, ya eşşək . (gülür)

- Bəlkə, hər ikiniz külüngü yerə qoyasınız. İki ilə yaxındır ki, bu çəkişmələr davam edir...
-Ay bacı, mən heç həyatda onu görməmişəm. Məni söyüb, mən də onu söymüşəm. Zeynəb Xanlarovanı niyə söymürəm. Dəliyəm ? Flora məni söyüb, deyib ki, Afət kişilərin artığıdır. Mən də cavabımda demişəm, “sənsən, sənin qızındır, var-yoxundur”. O, məndən üzür istəməyənə qədər onu söyəcəm. Lap ölənə kimi. Mənə deyib oğlun səndən utanmırmı? Ondan olmayan oğlu Floradan utansın. Məni təhqir etsə, 50 qatını edəcəyəm.

Sən demə, Flora Kərimova onu-bunu təhqir edib sonra da məhkəməyə verməklə pul qazanır. Heç narahat deyiləm, fanatlarımın özləri o pulu ödəyəcək.

Şahanə Rəhimli
AzVision.az