Zelenski: "Şoltsun siyasi iradəsi yoxdur"

Zelenski: "Şoltsun siyasi iradəsi yoxdur"
  20 Yanvar 2023    Oxunub:1175
Ukrayna prezidenti Vladimir Zelenski Almaniya kansleri Olaf Şoltsun Kiyevə "Leopard 2" tanklarının tədarük edilməsi ilə bağlı təmkinli mövqeyini tənqid edib.
AzVision.az xəbər verir ki, o, bu mövzuda ARD telekanalına müsahibəsində danışıb.

Kiyev rəhbəri ​Şoltsun ​"Ukraynaya tank göndərməklə bağlı ilk addımı ABŞ atmalıdır" bəyanatına cavab olaraq deyib ki, “belə etmək olmaz!”. Siyasətçinin fikrincə, bu cür şərtlərin yaradılması yolverilməzdir.

Berlin Kiyevlə niyə "tank oyun"u oynayır?
Zelenski həmkarının Berlinin Kiyevə tank tədarükü ilə bağlı birtərəfli addımlar atmayacağına dair açıq mesajını sərt şəkildə tənqid edib. Onun sözlərinə görə Almaniyanın hərəkətləri NATO ilə koordinasiya ediləcək. Ukrayna prezidenti bildirib ki, Almaniya kanslerinin siyasi iradəsi yoxdur və ona görə də bəhanə axtarır.

“Konkret "yox" demək lazımdır. Kiminsə hələ hazır olmadığını söyləmək lazım deyil”, - Zelenski qeyd edib.

Amma bütün bunlara baxmayaraq Ukrayna prezidenti göstərilən köməyə görə Almaniyaya minnətdarlığını bildirib.

Xatırladaq ki, bir müddət öncə Almaniya kansleri bəyan etmişdi ki, Ukraynaya “Leopard 2” tankları verməyə razıdır. Lakin bu bir şərtlə baş tutacaq ki, əvvəlcə ABŞ Kiyevi “Abrams” tankları ilə təmin edəcək.
Tural Tağıyev
AzVision.az



Teqlər:   Almaniya   Ukrayna   Kansler   Tank  





Xəbər lenti


Azvision.az ©2014 | Bütün hüquqları qorunur