AzVision.az xəbər verir ki, bu barədə ABŞ-ın Müharibə Araşdırmaları İnstitutu (ISW) məlumat yayıb. ISW analitiklərinin fikrincə, müharibənin bu il başa çatması ehtimalı azdır. Moskva münaqişəni uzatmaq fikrindən əl çəkməyəcək.

İnstitut Rusiyanın Ukrayna müharibədə qalib gəlmək üçün hansısa son cəhdlər edəcəyini proqnozlaşdırmayıb. "Müharibə bitməyəcək", - ekspertlər qeyd ediblər.

"Putin 5 aydır ki, mühüm qələbə qazana bilmır" - ISW

Qarşıdakı aylarda müharibə ilə bağlı iki mümkün ssenari var. Birinci ssenariyə görə, 2023-cü ildə rus qoşunları Luqansk vilayətində genişmiqyaslı hücumlara cəhd edəcək. Hazırda Putinin komandası Donetsk və Luqansk vilayətlərinin tam şəkildə ələ keçirilməsini Kremlin hərbi məqsədi adlandırır. Donetsk və Luqansk bölgələrinin maddi-texniki cəhətdən ən asan ələ keçirilən ərazilər olduğunu nəzərə alsaq, analitiklər deyirlər ki, bu, Rusiyanın hələ də çox çətin görünən məqsədlərindən biridir.

Eyni zamanda, ISW hesab edir ki, ruslar çətin ki, Ukraynanın cənubundakı Xerson və ya Zaporojye vilayətlərində hücuma keçsinlər.

İkinci ssenariyə görə isə, ruslar Ukraynanın əks-hücumlarının qarşısını almaq üçün xüsusi müdafiə əməliyyatları hazırlayacaqlar. Ukrayna Silahlı Qüvvələri 2023-cü ildə geniş əks-hücum əməliyyatına başlamağı planlaşdırdığı üçün Rusiya Xarkov vilayətindəki məğlubiyyət kimi Xersonun itirilməsindən də qaçmaq istəyir. Bu məqsədlə 2022-ci ilin sonunda Kreml cənub (Xerson-red.) istiqamətindən Luqansk vilayətinə əhəmiyyətli hərbi hissələri yerləşdirib. Luqansk vilayətində, eləcə də Rusiyanın Belqorod və Kursk vilayətlərində səhra istehkamları yaradıb.

Tural Tağıyev
AzVision.az