Nəqliyyatımız olimpiadaya hazırlaşır

Nəqliyyatımız olimpiadaya hazırlaşır
  15 Mart 2014    Oxunub:983
I Avropa Oyunları ilə əlaqədar işçi qrupunun iclası keçirilib. İclasda Oyunların keçirilməsinə hazırlıq dövründə və tədbir müddətində nəqliyyatın ahəngdar fəaliyyətinin, daşımaların təhlükəsizliyinin təmin edilməsi müzakirə edilib.
Bu gün 2015-ci il I Avropa Yay Olimpiya Oyunlarının Bakı şəhərində keçirilməsi ilə bağlı nəqliyyat-yol kompleksi üzrə işlərin əlaqələndirilməsi məqsədilə yaradılmış işçi qrupunun iclası keçirilib.

ANS PRESS Nəqliyyat Nazirliyinin rəsmi saytına istinadən məlumat verir ki, işçi qrupun rəhbəri, nəqliyyat nazirinin müavini Musa Pənahov I Avropa Oyunlarının Bakı şəhərində keçirilməsi ilə əlaqədar nəqliyyat-yol kompleksi üzrə görülən işlər barədə danışıb. Qeyd edib ki, oyunların keçirilməsinə hazırlıq dövründə və keçirilmə müddətində Nəqliyyat Nazirliyi üzrə müəyyən edilmiş "Tədbirlər Planı"ndan irəli gələn vəzifə və funksiyaların həyata keçirilməsi istiqamətində nazirliyin struktur bölmələri və tabeli qurumları tərəfindən zəruri tədbirlər həyata keçirilib.

Digər dövlət qurumlarının təmsilçilərinin də iştirak etdiyi iclasda avtomobil yolları, avtomobil nəqliyyatı, dəmiryol, Nəqliyyatı İntellektual İdarəetmə Mərkəzi ilə bağlı görülmüş konkret işlər barədə danışılıb, Oyunların keçirilməsinə hazırlıq dövründə və tədbir müddətində nəqliyyatın ahəngdar fəaliyyətinin, daşımaların təhlükəsizliyinin təmin edilməsi və digər təşkilati məsələlərin əlaqələndirilməsi məsələləri müzakirə edilib.


Teqlər:  





Xəbər lenti