Bakının ticarət dövriyyəsi 6,4 milyard manat olub

  24 May 2020    Oxunub : 4756
Bakının ticarət dövriyyəsi 6,4 milyard manat olub
Yanvar-aprel aylarında Bakının ticarət dövriyyəsi 2019-cu ilin müvafiq dövrü ilə müqayisədə 2,6 faiz azalaraq 6 milyard 400,4 milyon manat olub.
Azvision.az Bakı Şəhər Statistika İdarəsinə istinadən xəbər verir ki, ticarət şəbəkəsində satılmış ərzaq məhsulları, içkilər və tütün məmulatlarının dəyəri əvvəlki ilin müvafiq dövrü ilə müqayisədə 11,8 faiz artaraq 3 milyard 314,5 milyon manata, qeyri-ərzaq məhsullarının həcmi isə 14 faiz azalaraq 3 milyard 85,9 milyon manata bərabər olub.

İstehlak məhsullarının 31,3 faizi hüquqi şəxs statuslu müəssisələrdə, 49,1 faizi fərdi sahibkarlara məxsus ticarət obyektlərində, 19,6 faizi isə paytaxtın məhsul bazarlarında satılıb.

Azvision.az

Teqlər: Ticarət   Statistika