Soyğunçuluqda şübhəli bilinən şəxs saxlanılıb

  17 Fevral 2020    Oxunub : 788
Soyğunçuluqda şübhəli bilinən şəxs saxlanılıb
Bakı şəhər sakini E.Kələşovun mobil telefonunu və 270 manat pulunu soyğunçuluq yolu ilə almaqda şübhəli bilinən Yevlax rayon sakini R.Quliyev Xətai Rayon Polis İdarəsinin 34-cü polis bölməsi əməkdaşlarının keçirdikləri əməliyyat-axtarış tədbirləri nəticəsində yaxalanıb.
Daxili İşlər Nazirliyinin mətbuat xidmətindən Azvision.az -a verilən məlumata görə, N.İsmayılovanın mobil telefonunu və Ş.Rəsulovanın 2980 manat pulunu oğurlamaqda şübhəli bilinən Bakı şəhər sakini, əvvəllər məhkum olunmuş F.Kərimov isə 35-ci polis bölməsi əməkdaşlarının keçirdikləri əməliyyat-axtarış tədbirləri nəticəsində tutulub.

Nərimanov rayonunda dörd avtomobildən məişət və geyim əşyaları oğurlamaqda şübhəli bilinən Bakı şəhər sakini, əvvəllər məhkum olunmuş T.Sadıqlı rayon polis idarəsinin 16-cı polis bölməsi əməkdaşlarının keçirdikləri əməliyyat-axtarış tədbirləri nəticəsində saxlanılıb.

Faktlarla bağlı araşdırma aparılır.

Azvision.az

Teqlər: DİN   Cinayət