“Avro 2020”nin finalını İTV və AzTV yayımlayacaq

“Avro 2020”nin finalını İTV və AzTV yayımlayacaq
  05 Noyabr 2019    Oxunub:2292
İctimai Televiziya və Radio Yayımları Şirkəti ilə “Azərbaycan Televiziya və Radio Verilişləri” Qapalı Səhmdar Cəmiyyəti 2020-ci ildə keçiriləcək futbol üzrə Avropa çempionatının final mərhələsinin rəsmi yayım hüququna yiyələniblər.
Azvision.az xəbər verir ki, iyunun 12-dən iyulun 12-dək “Avro 2020”nin final mərhələsinin oyunları tarixdə ilk dəfə Avropanın 12 şəhərində keçiriləcək.

Qitə çempionatının qrup mərhələsinin üç, dörddəbir final mərhələsinin bir matçı Bakı Olimpiya Stadionunda oynanılacaq. İyunun 13-də, 17-də və 21-də A qrupunun üç qarşılaşması, iyulun 4-də isə dörddəbir final mərhələsinin bir matçı Bakıda keçiriləcək.

“Avro 2020”nin final mərhələsinin püşkatma mərasimi noyabrın 30-da Rumıniyanın paytaxtı Buxarestdə təşkil olunacaq. Bakı vaxtı ilə saat 21:00-da başlayacaq tədbir İctimai Televiziya vasitəsilə birbaşa yayımlanacaq.

UEFA-nın 60 illik yubileyi münasibətilə “Avro 2020”nin müxtəlif şəhərlərdə keçirilməsi ideyası Avropanın ali futbol qurumu tərəfindən 2012-ci il dekabrın 6-da açıqlanıb. 2014-cü il sentyabrın 19-da UEFA-nın icraiyyə komitəsinin iclasında isə 12 ev sahibi şəhər təsdiqlənib.

Azvision.az



Teqlər: İTV   AzTV   Avro-2020  





Xəbər lenti