Ötən il 38,8 milyon tondan çox neft hasil edilib

Ötən il 38,8 milyon tondan çox neft hasil edilib
  17 Yanvar 2019    Oxunub:2023
2018-ci ildə respublikada proqnozdan 849 min 900 ton çox olmaqla 38 milyon 802 min ton neft hasil edilib. Hasil olunan neftin 28 milyon 722 min tonu “Azəri-Çıraq-Günəşli”nin, 2 milyon 540 min tonu “Şahdəniz”in (kondensat), 7 milyon 540 min tonu isə SOCAR-ın payına düşüb.
Azvision.az xəbər verir ki, bu barədə “Azərbaycan Respublikasının Energetika Nazirliyi tərəfindən 2018-ci ildə görülmüş işlərə dair” hesabatda deyilir. Qeyd olunub ki, il ərzində 32 milyon 666 min 400 ton neft ixrac edilib ki, bunun da 31 milyon 247 min 900 tonu konsorsiumun, 1 milyon 418 min 500 tonu SOCAR-ın payına düşüb. Xam neftin emalı 6 milyon 95 min ton olub ki, bu da proqnozdan 184 min ton çoxdur.

OPEC+ çərçivəsində Azərbaycan gündəlik neft hasilatını 35 min barrel azaldaraq hasilat həcmini 834 min barrel səviyyəsində saxlamaqla bağlı öhdəlik götürüb. Hesabat ili ərzində orta gündəlik neft hasilatı təxminən 792,5 min barrel olub.

Azvision.az



Teqlər: Neft  





Xəbər lenti