İrəvanda polkovnik banka silahlı basqın edib: Ölən və yaralılar var (VİDEO)

İrəvanda polkovnik banka silahlı basqın edib: Ölən və yaralılar var (VİDEO)
  03 May 2018    Oxunub:24917
HSBC bankın Ermənistanın paytaxtı İrəvan şəhərindəki filialına qarət məqsədi ilə silahlı basqın edilib.

AzVision.az erməni mətbuatına istinadən xəbər verir ki, bıçaq, qumbara və "Vinçester" markalı ov tüfəngi ilə silahlanmış şəxs banka daxil olub və ona müqavimət göstərən mühafizə xidmətinin iki əməkdaşını yaralayıb.
Mühafizə xidmətinin əməkdaşından biri aldiğı xəsarətdən hadisə yerində ölüb.



Cinayətkar pulları oğurlayıb hadisə yerindən qaçmağa çalışsa da, polislər onu mühasirəyə alıb. Cinayətkar polisə silahlı müqavimət göstərib və bir polisi yaralayıb. Nəticədə polislər qarətçini zərərsizləşdirə bilib.



HSBC bankın İrəvanadakı filialına silahlı basqın edən şəxsin Yol Hərəkəti Qaydalarının Pozulmasının Qeydiyyatı Mərkəzinin rəisi, polis polkovniki Daniel Danielyan olduğu məlum olub.



İlkin Nəcəfzadə
 AzVision.az




Teqlər: Ermənistan   İrəvan   Basqın   bank  





Xəbər lenti


Azvision.az ©2014 | Bütün hüquqları qorunur