TQDK cavab kartlarının emalına başlayır

TQDK cavab kartlarının emalına başlayır
  15 İyul 2013    Oxunub:1120
“III ixtisas qrupu üzrə keçirilən qəbul imtahanın cavab kartlarının emalına bu gündən başlanır”.
AzVision.az-a bu barədə Tələbə Qəbulu üzrə Dövlət Komissiyanın mətbuat xidmətindən məlumat veriblər. Məlumatda bildirilir ki, imtahan mərkəzlərindən imtahan materialları dünən imtahan bitdikdən sonra komissiyaya təhvil verilib.

Qeyd edək ki,III ixtisas qrupu üzrə qəbul imtahan respublikanın 11 şəhərində - Bakı, Naxçıvan, Gəncə, Sumqayıt, Mingəçevir, Şəki, Ağcabədi, Göyçay, Şirvan, Lənkəran və Quba şəhərlərində ümumilikdə 57 binada keçirilib. III qrup üzrə 28939 abituriyent ərizə təqdim edib. Onlardan 26776 nəfəri Azərbaycan bölməsinin, 2163 nəfəri isə rus bölməsinin məzunudur. Abituriyentlərin 7633 nəfərini oğlanlar, 21306 nəfərini qızlar təşkil edir. 15622 nəfər orta ümumtəhsil məktəblərinin builki məzunudur. 10715 nəfər orta ümumtəhsil məktəblərini əvvəlki illərdə bitirən məzunlardır.

Sevinc İltifatqızı


Teqlər:  





Xəbər lenti