Bayden getməzdən əvvəl Kiyevə yeni yardımlar vəd edib - "The Guardian"

Bayden getməzdən əvvəl Kiyevə yeni yardımlar vəd edib - "The Guardian"
  06 Dekabr 2024    Oxunub:928
ABŞ prezidenti Cozef Baydenin administrasiyası fəaliyyətinin son günlərində belə Ukraynaya əhəmiyyətli hərbi yardımlar göstərəcəklərini vəd edib. Vədlər arasında Rusiyaya qarşı yeni və sərt sanksiyaların tətbiqi də var.
Bu fikirlər "The Guardian"da dərc olunan məqalədəndir. Nəşr Milli Təhlükəsizlik Şurasının nümayəndəsinə istinad edib.

Kiyev danışıqlara hazır olduğunu elan edəcək - "The Wall Street Journal"
Sayt Baydenin müşaviri Ceyk Sallivanın dekabrın 5-də Ukrayna prezidentinin ofisinin rəhbəri Andrey Yermakla bir saatdan çox davam edən görüşünü xatırladıb. Qeyd edilib ki, məhz həmin görüş zamanı Kiyevə belə vədlər verib. Qəzet yazıb ki, hərbi yardıma yanvarın ortalarına qədər yüz minlərlə əlavə artilleriya mərmisi, minlərlə raket və yüzlərlə zirehli texnikanın göndərilməsi daxildir.

Müəllif xatırladıb ki, Baydenin prezidentlik müddəti yanvarın 20-də başa çatacaq.

Bundan əlavə, Vaşinqton xaricdə əlavə sayda ukraynalı əsgərlərin hazırlanmasını təklif edir. Nəşr mümkün sanksiyaların Kiyevin danışıqlarda mövqeyini gücləndirməyə və Moskvanın hərbi əməliyyatlar aparmaq imkanlarını çətinləşdirməyə yönəldiləcəyini qeyd edib.

Rusiya ilə Ukrayna arasındakı genişmiqyaslı müharibə 2022-ci ilin fevralın 24-də başlayıb. Moskva işğal zamanı qoşunları Kiyevə qədər apara bilsə də, sonradan müharibədə üstünlük nisbətən Ukraynanın tərəfinə keçib. Ukrayna qoşunları ötən ilin iyunundan əks-hücum əməliyyatlarına başladılar. Amma bu da uğurlu olmadı. Son aylarda isə Rusiya yenidən döyüş meydanındakı vəziyyəti öz xeyrinə dəyişə bilib.

Tural Tağıyev
AzVision.az



Teqlər:   ABŞ   Ukrayna   Rusiya  





Xəbər lenti


Azvision.az ©2014 | Bütün hüquqları qorunur