Çin Tayvana görə ABŞ-yə qarşı yeni sanksiyalar tətbiq edib

Çin Tayvana görə ABŞ-yə qarşı yeni sanksiyalar tətbiq edib
  05 Dekabr 2024    Oxunub:1111
Çin Vaşinqtonun Tayvana silah satmaq qərarına görə, on üç Amerika şirkəti və ABŞ firmalarından olan altı top meneceri sanksiya siyahısına daxil edib.
Bu barədə Çin Xarici İşlər Nazirliyinin bəyanatında məlumat verilib.

Zelenski Gürcüstan hakimiyyətinə qarşı sanksiyalar tətbiq edib
Rəsmi Pekinə belə hesab edir ki, Vaşinqtonun məlum qərarı “vahid Çin” prinsipini və üç Çin-ABŞ birgə kommünikesini ciddi şəkildə pozur. Bu addımlar Çinin daxili işlərinə ciddi müdaxilə sayılır və ölkənin suverenliyi ərazi bütövlüyünə ciddi zərbə vurur.

Tayvan məsələsi ilə əlaqədar Çin hakimiyyəti həmçinin hərbi texnologiyalara bağlı Amerika şirkətlərinə də sanksiya tətbiq etmək qərarına gəlib. Trieda Brown Engineering, BRINC Drones, Rapid Flight, Red Six Solutions, Shield Artificial Intelligence, Cynics, Firestorm Laboratories, Kratos Unmanned Systems, Havoc Artificial Intelligence, Niros Technologies, Cyberlux, Domo Tactical Communications və Group W. bu siyahıda yer alıb

Qeyd edilib ki, Çindəki adı çəkilən şirkətlərə məxsus mülklər nəzarətə götürülür. Çin vətəndaşlarına və təşkilatlarına onlarla əməkdaşlıq etmək, bu şirkətlərlə bağlı əməliyyatlar aparmaq qadağan edilib.
Tural Tağıyev
AzVision.az



Teqlər:   Çin   ABŞ   Tayvan  





Xəbər lenti


Azvision.az ©2014 | Bütün hüquqları qorunur