Bakıda telefona baxan sürücü avtomobili aşırdı

   Bakıda telefona baxan sürücü avtomobili aşırdı
  29 May 2024    Oxunub:677
Nəsimi rayonunda yol-nəqliyyat hadisəsi zamanı bir nəfər xəsarət alıb.
APA xəbər verir ki, qəza Rəşid Behbudov küçəsində qeydə alınıb.

Mehdi Mehdiyev idarəetməsində olan "Toyota Prius" markalı maşında olarkən telefona baxıb, diqqəti yayındığına görə maşınını səkidəki məhəccərə çırpıb.

Daha sonra avtomobil aşıb. Maşında olan sərnişin Nicat Muxtarov ağır bədən xəsarətləri alıb. Yaralı Kliniki Tibbi Mərkəzə yerləşdirilib.

Sürücü bildirib ki, telefonda naviqator proqramına baxarkən diqqəti yayınaraq qəza törədib.

Yol təsərrüfatına ciddi ziyan dəyib. Hadisə yerinə Nəsimi Rayon Polis İdarəsinin və Yol Polis Şöbəsinin əməkdaşları cəlb edilib.

AzVision.az



Teqlər:





Xəbər lenti