Bu barədə nazirliyin mətbuat xidməti məlumat yayıb. Dövlət qiymətlərinin tənzimlənməsinə görə, Qazaxıstan Avrasiya İqtisadi İttifaqı ölkələri arasında yanacaq və sürtkü materiallarının ən aşağı qiymətinə malik ölkədir ki, bu da neft məhsullarının başqa ölkələrə aparılması və boz ixracı riskinin yüksək olmasına səbəb olur.

Sərəncam layihəsində nəzərdə tutulub ki, Aİ-92 və Aİ-93 markalı benzinin qiyməti litri üçün 245 tenge (0,5 dollar) müəyyən edilsin. Qazaxıstanda verilmiş sürücülük vəsiqəsi təqdim edildikdə və alınan yanacağın həcmi sutkada 100 litrə qədər olarsa, qiymət eyni qalacaq - litr üçün 205 tenge (0,45 dollar).

Motosikllər, minik avtomobilləri, yük avtomobilləri, xüsusi təyinatlılar və avtobuslar üçün sürücülük vəsiqəsi və avtonəqliyyat vasitəsinin qeydiyyat şəhadətnaməsi təqdim edildikdə eyni qiymət saxlanılacaq, yanacaq həcmi sutkada 300 litrə qədər olacaq.

Sənəddə dizel yanacağının qiymətinin bir litr üçün 315 təngə (0,7 dollar) olacağı nəzərdə tutulur. Qazaxıstanda verilmiş sürücülük vəsiqəsi təqdim edildikdə və alınan yanacağın həcmi sutkada 100 litrə qədər olarsa, qiymət eyni qalacaq - litr üçün 295 tenge (0,65 dollar). Motosikllər, minik avtomobilləri, yük avtomobilləri, xüsusi təyinatlılar və avtobuslar üçün sürücülük vəsiqəsi və avtonəqliyyat vasitəsinin qeydiyyat şəhadətnaməsi təqdim edildikdə eyni qiymət saxlanılacaq, yanacaq həcmi sutkada 300 litrə qədər olacaq.

“Beləliklə, Qazaxıstanda sürücülük vəsiqəsi və nəqliyyat vasitəsinin qeydiyyat şəhadətnaməsi olan vətəndaşlar üçün yanacaq-sürtkü materiallarının qiymətləri əvvəlki kimi qalır”, - nazirlik izah edib.

AzVision.az