"Araşdırmaçı jurnalist" Naxçıvanla sərhədə yaxın ərazidən foto paylaşaraq iddia edib ki, guya 451-ci ildə dayandığı nöqtədə, Avarayr ərazisində baş vermiş döyüş "erməni tarixinin" ən mühüm epizodlarından biri sayılır. Məhz həmin ərazinin, döyüşün köməyi ilə əcdadları apostol kilsəsinin milli kimliyini və inancını qoruyub saxlaya biliblər.

Tehran İrəvanla birgə döyüşəcəkmi? - İran səfiri sualdan yayındı

"Avarayr döyüşünün baş verdiyi yer bölgədə erməni-fars dostluğunun və bir-birinə dəstəyin qurulmasının mühüm simvoluna çevrilə bilər. Bu yaxınlarda İranda olarkən Avarayr döyüşünün baş verdiyi yerdə oldum. Mənə Txmut çayı sahilində dayanıb iranlı həmkarlarımla əcdadlarımızın müharibələri haqqında söhbət etmək nəsib oldu. Bu gün ermənilər və farslar dost xalqlardır", - Hoxikyan qeyd edib.

Erməni jurnalist onu da vurğulayıb ki, əvvəllər farslarla ermənilərin bir-birinə qarşı döyüşmələrinə baxmayaraq, 21-ci əsrdə hər iki ölkənin ordusu yanaşı dayanaraq, bu dəfə ümumi düşmənə qarşı mübarizə aparmalıdır.


"Bu ərazini tariximizi gələcəyə aparan ümumi yolun başlanğıcı edə bilərik. Bunu xüsusən də ortaq düşmənimiz olması səbəbindən reallaşdırmalıyıq. Bu günlərdə İran 1979-cu il inqilabının ildönümünü qeyd edirlər. İranlı dostlarımı təbrik edirəm, onlara bəyan edilmiş prinsiplərə sadiqlik və turançılıqla (Bütün Ural-Altay xalqlarının birliyini nəzərdə tutan siyasi ideoloji inanc-red.) mübarizədə uğurlar arzulayıram. Farslar yaxşı və vicdanlı insanlardırlar. Erməni xalqının onlarla daha sıx əlaqəyə ehtiyacı var. Çünki dəyərlərimiz böyük ölçüdə üst-üstə düşür", - Hoxikyan fars sevdasını belə dilə gətirib.

Tural Tağıyev
AzVision.az