Serbiya 2023-cü ilidən Azərbaycandan elektrik enerjisi alacaq

 Serbiya 2023-cü ilidən Azərbaycandan elektrik enerjisi alacaq
  26 Noyabr 2022    Oxunub:710
Serbiya 2023-cü ilin əvvəlindən Azərbaycandan elektrik enerjisi almağı planlaşdırır
AzVision.az xəbər verir ki, bu barədə Serbiyanın mədən və energetika naziri Dubravka Cedoviç "Vecerniye novosti" qəzetinə müsahibəsində deyib.

"Bütün ilkin şərtlər yerinə yetirilərsə, Serbiya yanvar ayından Azərbaycandan elektrik enerjisi idxalına başlamalıdır. Azərbaycandan elektrik enerjisinin Türkiyə və Bolqarıstan vasitəsilə ötürülməsi ilə bağlı qalan məsələlərlə bağlı danışıqlar aparılır", - Cedoviç qeyd edib.

Qeyd edilir ki, 2022-ci il avqustun 21-də Azərbaycan və Serbiya prezidentləri İlham Əliyev və Aleksandr Vuçiç arasında telefon danışığından sonra Serbiya dövlət başçısının ofisi Belqradın Azərbaycandan sərfəli şərtlərlə elektrik enerjisi ala biləcəyini bəyan edib.

AzVision.az



Teqlər: Serbiya   Azərbaycan   Enerji  





Xəbər lenti