O, qeyd edib ki, Rusiya Federasiyası payız-qış dövründə kritik infrastruktura hücumlar üçün raketlərini anbarlarda qoruyub saxlaya bilər.

Bunun əvəzində isə onlar daha ucuz olan İran kamikadze dronlarından fəal şəkildə istifadə etməyə başlayıblar.

- Şübhəsiz ki, Rusiya artıq özünün "Kalibr", "İskəndər", "X-101" kimi yüksək dəqiqlikli raketlərindən istifadə etməyi dayandırıb. Bu raketlərin döyüş başlığı təxminən 400 kq və daha çoxdur və milyonlarla dollara başa gəlir. "Kalibr" təxminən altı milyon, X-101 11 milyondan 13 milyona qədər dəyərləndirilir, - İqnat deyib.

İranın PUA-ları Ukraynada vəziyyəti dəyişə bilərmi? - ARAŞDIRMA

İqnat həmçinin onu da qeyd edib ki, rusların istifadə etdiyi “Şahed 136” İran pilotsuz təyyarəsi kifayət qədər primitivdir. Lakin onun istifadəsinin müəyyən nəticələri var.

- Döyüş başlığı 40 kq-dır. O, əslində artilleriya mərmisi kimidir. Uçuş məsafəsi isə ziddiyyətlidir. Çətin ki, 200 kiloqramlıq bu pilotsuz təyyarə 2500 km məsafə qət edə bilsin, - Ukrayna rəsmisi qeyd edib.

Ukrayna Hərbi Hava Qüvvələri Komandanlığının sözçüsü onu da qeyd edib ki, bu pilotsuz təyyarələrdən istifadə ukraynalı müdafiəçilər üçün yeni çağırışdır. Lakin onlar məlum PUA-ları vurmağı öyrənirlər.

Tural Tağıyev
AzVision.az