Ərdoğanın 4 min tərəfdarı CHP-yə keçdi

  29 Mart 2014    Oxunub : 419
Ərdoğanın 4 min tərəfdarı CHP-yə keçdi
Türkiyənin İstanbul şəhərinin Esenyurt bölgəsində hakim Ədalət və İnkişaf Partiyasından (AKP) istefa verən 4 min nəfər ana müxalifət partiyası olan Cümhuriyyət Xalq Partiyasına (CHP) üzv olub.

AzVision.az Türkiyə mətbuatına istinadən xəbər verir ki, AKP-dən istefa verənlər arasında partiyanın seçkilərdə namizdələrindən biri olan Yunus Kalkan da var. Ötən gün təşkil olunan tədbirdə CHP-yə üzv olan keçmiş AKP-lilərdən Yunus Kalkan deyib ki, partiyanın adındakı ədalət sözü sadəcə fiqurdur. Partiyanın şovinist yanaşması onları istefa verməyə məcbur edib: “Bu kütləvi istefanı sadəcə 3-4 min nəfərlik istefa kimi görmək olmaz. Bu, 15-20 minləri əhatə edən və seçkilərə təsir edəcəyindən əmin olduğum hərəkatdır. CHP-nin namizədi Çətin çapana dəstək olacağıq. Biz seçkiyə yarış kimi baxırıq, amma buna savaş kimi baxanlar da var”.

Ankaranın Gölbaşı bölgəsində isə 1000 nəfər AKP üzvü partiyadan istifa verərək Milliyətçi Hərəkat Partiyasına (MHP) qoşulub.

Fatimə Kərimli

Teqlər: