Ermənilər kabab vədilə Paşinyanın mitinqinə gətirilir

  01 Mart 2021    Oxunub : 2153
 Ermənilər kabab vədilə Paşinyanın mitinqinə gətirilir
Ermənistanın müxalifyönlü mətbuatı baş nazir Nikol Paşinyana dəstək mitinqi ilə bağlı ilginc məlumat yayıb.

Azvision.az xəbər verir ki, ölkənin aparıcı saytlarında yer alan məlumata əsasən, mitinqdə adam sayının çox olması üçün regionlardan gətirilən kasıb vətəndaşlara pulsuz kabab paylayırlar.
"Hökumət, ayrı-ayrı sahələri təmsil edən məmurlar insanları mitinqə cəlb etmək üçün müxtəlif həvəsləndirici vasitələrdən istifadə edirlər. Bir neçə gündür ki, bölgələrdə bəzi icmalarda pul paylandığı, bəzilərində isə mağazalara borcların silinəcəyinə dair vədlər verildiyi deyilir. Bu gün məlum olub ki, Ararat valisi Razmik Tevonyan adından bölgənin bəzi icmalarına martın 1-də mitinqə gələcək insanlara kabab paylanacağı vədi verilib. Daha doğrusu, bu artıq təsdiqini tapmış xəbərdir.

Belə ki, kəndlərin mərkəzində park edilmiş avtobuslarda mitinqə gedəcək şəxslər üçün çoxlu sayda "barbekü" hazırlayan avadanlıqlar gözə dəyib. Yəni belə həvəsləndirici yola da əl atıblar ki, insanlar bunu görüb İrəvana mitinqə getsinlər. Çünki orada məmnuniyyətlə manqalda bişən kababları yeyə biləcəklər. Təbii ki, vətəndaşlara mitinqdən sonra həmin avtobuslarla rahat şəkildə geri qaytaracaqlarına da söz verirlər".

Qeyd edək ki, bu gün İrəvandakı Respublika meydanında baş nazir Nikol Paşinyanın mitinqi keçiriləcək.

Tural Tağıyev
Azvision.az

Teqlər: İrəvan   Mitinq   Kabab