Bayram günlərində 29 nəfər ölüb, 114 nəfər xəsarət alıb

  26 Mart 2013    Oxunub : 606
Bayram günlərində 29 nəfər ölüb, 114 nəfər xəsarət alıb
79 yol qəzası qeydə alınıb
Martın 25-də respublika yollarında baş vermiş yol-nəqliyyat hadisələrində 7 nəfər ölüb, daha 14 nəfər müxtəlif dərəcəli bədən xəsarətləri alıb.

Baş Dövlət Yol Polisi İdarəsindən verilən məlumata görə, Azərbaycanda 6 qeyri iş günündə (20, 21, 22, 23, 24, 25 mart )baş verən yol qəzalarında 36 nəfər dünyasını dəyişib.

Ən ağır qəzalar AğcabədiKürdəmir rayonlarında qeydə alınıb. İki hadisə nəticəsində ümumilikdə 4 nəfər ölüb, 5 nəfər isə yaralanıb.

Bundan öncəki 5 bayram günü ərzində, yəni, martın 20-dən 25-dək respublikanın avtomobil yollarında 79 yol qəzası qeydə alınıb ki, nəticədə 29 nəfər ölüb, 114 nəfər xəsarət alıb.

Məlumata görə, ölümlə nəticələnən qəzalar daha çox Bakı-Qazax magistralının Hacıqabul-Kürdəmir-Ucar hissəsində və Bakı-Şamaxı-Yevlax yolunda qeydə alınır.

AzVision.az

Teqlər: