Turizm Agentliyi vətəndaşlara və turoperatorlara müraciət edib

  27 Fevral 2020    Oxunub : 1940
 Turizm Agentliyi vətəndaşlara və turoperatorlara müraciət edib
Dövlət Turizm Agentliyi ölkə vətəndaşlarına və turoperatorlara müraciət ünvanlayıb.
Azvision.az -a daxil olan müraciətdə deyilir: "Son günlər dünyanın bir sıra ölkələrində koronavirus (COVID-19) epidemiyasının geniş yayıldığını nəzərə alaraq, vətəndaşlarımıza xaricə səfərlərini planlaşdırarkən mümkün riskləri nəzərə almağı tövsiyə edirik.

Xəstəliyə yoluxma və virusun Azərbaycan ərazisinə keçməsi təhlükəsinin qarşısının alınması məqsədilə, vətəndaşlarımıza həmin ölkələrdə epidemoloji vəziyyət sabitləşənədək səfərlərini təxirə salmağı məsləhət görürük.

Turoperatorlara tövsiyə edirik ki, koronavirusun yayıldığı ölkələrə getmək arzusunda olan vətəndaşlarımızı səfərin mümkün riskləri barəsində məlumatlandırsınlar".

Azvision.az

Teqlər: Turizm