Qadın güləşçilərimiz dünya çempionatına hazırlaşır

Qadın güləşçilərimiz dünya çempionatına hazırlaşır
  30 İyul 2019    Oxunub:1620
Güləş yığmalarımız sentyabrın 14-dən 22-dək Qazaxıstanın paytaxtı Nur-Sultanda keçiriləcək dünya çempionatına hazırlığı davam etdirirlər.
Azvision.az xəbər verir ki, kişi komandalarımızdan fərqli, qadınlardan ibarət millimiz ölkə xaricində təlim-məşq toplanışı keçir.

Baş məşqçi Aslan Ağayevin və məşqçi Rövşən Umudovun rəhbərliyi altında iyulun 21-dən Türkiyənin Niğdə şəhərində yerli yığma komanda ilə birgə hazırlıq keçən millimiz avqustun 4-dək toplanışı davam etdirəcək. Hazırlıq prosesi əsasən fiziki hazırlıq üzərində qurulub.

Qeyd edək ki, heyətdə gənc güləşçilərimiz də yer alıblar. Onlar avqustun 12-dən 18-dək Estoniyanın paytaxtı Tallində keçiriləcək gənclərin dünya çempionatına hazırlaşırlar.

Azvision.az



Teqlər: Güləş   Dünya-Çempionatı  





Xəbər lenti