Azərbaycanın ümumtəhsil məktəblərində təhsil alan şagirdlərin Azərbaycan dilini hərtərəfli öyrənmələri, onlarda ana dilinə məhəbbət hissinin gücləndirilməsinin təmin edilməsi əsas vəzifələrdən biridir.
Təhsil Nazirliyindən AzVision.az-a verilən məlumata görə, tədris Azərbaycan dilində olan ümumtəhsil məktəblərinin tədris planında Azərbaycan dilinə ibtidai siniflərdə 39, V-XI siniflərdə 22, ümumilikdə 61 saat vaxt ayrılıb.
Tədris digər dillərdə aparılan məktəblərin tədris planında da dövlət dili kimi Azərbaycan dilinin tədrisinə I-XI siniflərdə 22 saat vaxt verilib. Tədris illəri ərzində keçirilən inşa yazı, bədii qiraət müsabiqələri, respublika səviyyəsində keçirilən Azərbaycan dili və ədəbiyyat fənn olimpiadası şagirdlərin Azərbaycan dilində rabitəli nitq bacarıqlarının, nitq mədəniyyətinin formalaşmasında mühüm rol oynayır.
Məlumat üçün qeyd edək ki, prezident İlham Əliyevin sərəncamı ilə təsdiq olunmuş «Azərbaycan dilinin qloballaşma şəraitində zamanın tələblərinə uyğun istifadəsinə və ölkədə dilçiliyin inkişafına dair Dövlət Proqramı»nın icrası ilə əlaqədar təhsil nazirinin müvafiq əmri ilə geniş Fəaliyyət Planı təsdiq edilib.
Fəaliyyət Planında Azərbaycan dili fənni üzrə təhsil proqramlarının (kurikulumların) təkmilləşdirilməsi, «Azərbaycan dilinin tədrisi metodikası» fənninin yeni proqramının hazırlanması, elmi-praktik konfransların, seminar və dəyirmi masaların, müsabiqələrin və digər tədbirlərin keçirilməsi, müvafiq təkliflərin hazırlanması nəzərdə tutulub.
Azərbaycan dili fənninin saatları artırıldı
27 İyul 2013
Oxunub:1290
Azərbaycan dilinin təhsil müəssisələrində tədrisi ilə əlaqədar Fəaliyyət Planı təsdiq edilib
Teqlər:
Vaxtında, Aydın, Lazımlı!
-1730471596.jpg&h=190&w=280&zc=1&q=100)
-1730458422.jpg&h=120&w=187&zc=1&q=70')
a-1727681504.jpg&h=200&w=200&zc=2&q=70)
