Bakı Şəhər İcra Hakimiyyətinin başçısı Heydər Əliyev Sarayı ilə Füzuli meydanı arasında salınmış mərkəzi istirahət parkının alt hissəsində 4500 avtomobil yerlik müasir tipli yeni avtoparkın istifadəyə verilməsi ilə əlaqədar müvafiq sərəncam imzalayıb.
Bakı Şəhər İcra Hakimiyyətindən AzVision.az-a verilən məlumata görə, sərəncama əsasən, paytaxtda yaranan nəqliyyat sıxlığı probleminin aradan qaldırılması, qanunsuz dayanma və parklanma sisteminin tənzimlənməsi məqsədi ilə Neftçilər, G.Səfərəliyeva, N.Nərimanov, İstiqlaliyyət, Gənclər meydanı (Qoşa Qala qapısı), Əziz Əliyev, Azərbaycan, Ə.Cavad, Bülbül, R.Behbudov, Füzuli, Azadlıq, 28 May, Səməd Vurğun, Xaqani, Nizami, Ş.Bədəlbəyli, M.A.Əliyev, Ş.Qurbanov, C.Cabbarlı, Z.Əhmədbəyov (metronun Nizami stansiyasının qarşısı) küçələrini əhatə edən hissədə avtomobillərin parklanması və dayanması qadağan olunub.
Eyni zamanda, sərəncama əsasən, şəhərin mərkəzi hissəsində müvafiq icazə olmadan hüquqi və fiziki şəxslər tərəfindən qanunsuz avtomobil dayanacağına çevrilərək qanunsuz gəlir əldə edən şəxslər haqqında inzibati tədbirlərin görülməsi və bu hissədə qanunsuz parklanma hallarının qarşısının alınması Bakı Şəhər Baş Polis İdarəsinə həvalə olunub.
Avtomobil sahiblərindən şəhərin mərkəzi hissəsində yaranmış sıxlığın qarşısını almaq və istifadələrindəki nəqliyyat vasitələrinin təhlükəsizliyi məqsədilə inşa edilmiş müasir standartlara cavab verən parkinqlərdən istifadə etmələri xahiş olunur.
İcra Hakimiyyətindən sürücülərə xəbərdarlıq
26 İyul 2013
Oxunub:1085
Teqlər:
Vaxtında, Aydın, Lazımlı!
-1730471596.jpg&h=190&w=280&zc=1&q=100)
-1730458422.jpg&h=120&w=187&zc=1&q=70')
a-1727681504.jpg&h=200&w=200&zc=2&q=70)
