Məlum olduğu kimi Ramazan ayı ilə əlaqədar olaraq Dini Qurumlarla İş üzrə Dövlət Komitəsi (DQİDK) xüsusi tədbirlər planı hazırlayıb. Tədbirlər planının tərkib hissəsi olaraq Ramazan ayı boyunca dini icmalar, o cümlədən vətəndaşlar üçün yarana biləcək hər hansı problemlə əlaqədar olaraq qaynar xətt (012 4373115) fəaliyyət göstərir.
Dövlət Komitəsinin mətbuat xidmətindən AzVision.az-a verilən məlumata görə, ötən müddət ərzində qaynar xəttə bir sıra müraciətlər daxil olub.
Müraciətlər əsasən imsak və iftar, Ramazan ayının qədr gecələrinin vaxtları ilə bağlı olub.
Dövlət Komitəsi tərəfindən aparılan monitorinq nəticəsində məlum olub ki, bütün bölgələrdə Ramazan ayı milli-mənəvi dəyərlərimizə uyğun şəkildə qeyd edilir. Dini icmalar və vətandaşlar tərəfindən təşkil edilən iftar mərasimlərində, Ramazan tədbirlərində hər hansı ciddi problem yaşanmayıb.
Məscidlərdə gündəlik, o cümlədən cümə namazlarında axund və imamlar tərəfindən Ramazan ayı ilə əlaqədar xütbələr oxunur.
Eyni zamanda Dövlət Komitəsi tərəfindən bölgələrdə dini icmalar üçün iftar süfrələri təşkil edilir, şəhid ailələri, əlillər və məcburi köçkünlərə yardım aksiyaları keçirilir.
Aparılan monitorinq nəticəsində xırda problemlər də aşkarlanıb. Bu isə əsasən azanın müxtəlif vaxtlarda verilməsi ilə bağlı olub.
Dövlət Komitəsi tərəfindən aparılan maarifləndirmə tədbirləri nəticəsində bu problemlər də aradan qaldırılıb.
Qeyd edək ki, Ramazan ayı boyunca Dövlət Komitəsinin rəhbərliyinin Bakıda və bölgələrdə yerli ictimaiyyətlə və dini icmalarla görüşlərinin keçirilməsi, mövcud problemlərin həlli istiqamətində tədbirlərin davam etdirilməsi və maarifləndirmə işi aparılması nəzərdə tutulur.
Mirvari
`Qədr gecələrinin vaxtları səhv düşüb`- Qaynar xətt
18 İyul 2013
Oxunub:1174
Monitorinq nəticəsində xırda problemlər də aşkarlanıb
Teqlər:
Vaxtında, Aydın, Lazımlı!
-1730458422.jpg&h=120&w=187&zc=1&q=70')
a-1727681504.jpg&h=200&w=200&zc=2&q=70)
