O, qeyd edib ki, 2018-ci ildə prezidentlik müddətini başa vurduqdan sonra baş nazir kimi fəaliyyətini davam etdirmək istəyib. Məqsəd, sonradan baş verən fəlakətin qarşısını almaq olub. Xocalı soyqırımının təşkilatçısı fəlakət deyərkən 2020-ci ildə baş vermiş müharibəni və Qarabağın İrəvanın əlindən çıxmasını nəzərdə tutub.
Sarkisyan jurnalistlərlə söhbətində qeyd edib ki, o, 2018-ci ildə “sakit şəkildə evə gedə bilərdi”, amma bunu etməyib. Çünki guya ölkəsinə doğru fəlakətin yaxınlaşdığını görüb. Hərbi cani şəxsi motivlərinin olmadığını da iddia edib. Amma bu gün o, həmin vaxt Sarkisyanın istefasını tələb edənlərin hamısından yalnız bir şeyi soruşmaq istəyib: "Onlar bu çevrilişlə nəyə nail oldular?".
Eks-prezident jurnalistin o vaxtkı hakimiyyətin Dağlıq Qarabağ ətrafında gedən prosesləri xalqdan gizlətməsi ilə bağlı səsləndirdiyi fikirlərlə razılaşmayıb. Sarkisyan qeyd edib ki, o, 2018-ci ilin aprelində parlamentin tribunası da daxil olmaqla, ayrı-ayrı məkanlarda dəfələrlə deyib ki, danışıqlar prosesi nikbinlik yaratmır.
Tural Tağıyev
AzVision.az
Vaxtında, Aydın, Lazımlı!
_1512566280_1512579447.jpg&h=120&w=187&zc=1&q=70')
a-1727681504.jpg&h=200&w=200&zc=2&q=70)
