Kürdəmirdə 2 yaşlı uşaq yanaraq öldü

  01 Aprel 2014    Oxunub : 496
Kürdəmirdə 2 yaşlı uşaq yanaraq öldü
Kürdəmir rayonunda dəhşətli yanğın hadisəsi bir ailənin faciəsinə səbəb olub.
AzVision.az xəbər verir ki, FHN-nin Kürdəmir Dövlət Yanğın Mühafizə Hissəsindən APA-ya verilən məlumata görə, hadisə bu gün saat 17:00 radələrində Kürdəmirin Sığırlı kəndində qeydə alınıb.

Kənd sakini 1979-cu il təvəllüdlü Quliyev İslam Füzuli oğluna məxsus ümumi sahəsi 408 kvadratmetr olan iki mərtəbəli evdə baş verən yanğının söndürülməsi üçün əraziyə KürdəmirHacıqabul rayonlarından 4 yanğınsöndürən maşın və canlı qüvvə cəlb edilib. Hadisə zamanı evin 180 kvadratmetrlik hissəsi içindəki əşyalarla birgə yanaraq tələf olub.

Hadisə zamanı ev sahibi İslam Quliyev müxtəlif dərəcəli yanıq xəsarətləri alıb, onun iki yaşlı övladı Kənan Quliyev yanaraq dünyasını dəyişib. Hadisə zamanı evin qalan hissəsi və ona birləşik çardaq alovdan xilas edilib. Hadisənin hansı səbəbdən baş verdiyi hələ ki, məlum deyil.

Faktla bağlı araşdırma aparılır.

Teqlər: