"Reuters"in yaydığı məlumata görə, bunu ABŞ Prezidenti Donald Tramp təyyarədə jurnalistlərlə söhbətində deyib.

Tramp: “Heç kim mənim qədər sərt olmayıb” | VİDEO

Onun sözlərinə görə, ABŞ Ukrayna ilə kəşfiyyat məlumatlarının mübadiləsində yaranmış fasiləni də tam aradan qaldırmağa yaxındır.

Müəllif ABŞ-nin kəşfiyyat məlumatlarının Kiyev rəsmilərinə ötürülməsinin dayandırılmasının səbəbini də yazıb. Qeyd edilib ki, Mərkəzi Kəşfiyyat İdarəsinin direktoru Con Ratklif belə bir qərarın ABŞ prezidenti tərəfindən verildiyini deyib. Bu, Vladimir Zelenskiyə Rusiya ilə sülh danışıqlarının aparılmasında Trampla əməkdaşlıq etməsi üçün edilən təzyiqin bir hissəsi imiş.

Xatırladaq ki, bir müddət öncə Vaşinqtona gedən Vladimir Zelenski ilə Tramp arasında siyasi qalmaqal yaşanmışdı. Bundan sonra Ağ Ev rəhbəri Ukraynaya bütün hərbi yardımların dayandırılmasına dair əmr imzaladı. Ağ Ev-in bununla bağlı bəyanatında deyilir ki, "prezident açıq şəkildə sülhü hədəflədiyini elan edib. Biz tərəfdaşlarımızın da bu məqsədə sadiq qalmasını istəyirik. Biz yardımımızı dayandırırıq və onun həllə töhfə verməsini təmin etmək üçün nəzərdən keçiririk”.

Rusiya ilə Ukrayna arasındakı genişmiqyaslı müharibə 2022-ci ilin fevralın 24-də başlayıb. Moskva işğal zamanı qoşunları Kiyevə qədər apara bilsə də, sonradan müharibədə üstünlük nisbətən Ukraynanın tərəfinə keçib. Ukrayna qoşunları 2023-cü ilin iyunundan əks-hücum əməliyyatlarına başladılar. Amma bu da uğurlu olmadı. Ötən il isə Kiyev gözlənilmədən Rusiya ərazisinə hücum etdi. Ukrayna qoşunları hazırda Kurskun bir hissəsinə nəzarət edirlər. Son aylarda isə Rusiya yenidən döyüş meydanındakı vəziyyəti öz xeyrinə dəyişə bilib.

Tural Tağıyev
AzVision.az