AzVision.az xəbər verir ki, Nikol Paşinyan məqamlardan birinin Ermənistan-Azərbaycan sərhədində üçüncü qüvvələrin yerləşdirilməsi ilə bağlı olduğunu deyib. Azərbaycan Avropa Mülki Müşahidə missiyasını nəzərdə tutaraq üçüncü qüvvələrin sərhəd boyu yerləşdirilməsini qadağan etmək təklifini verib. Azərbaycanın bu istəyini nəzərə alan İrəvan və öz təklifi ilə çıxış edib ki, bu da həmin bəndin yalnız sərhədin müəyyənləşdirildiyi hissələrində istifadə olunmasını nəzərdə tutur.

“Yəni biz müəyyən ərazini demarkasiya etmişiksə, bu, o deməkdir ki, orada kənar qüvvələr olmamalıdır. Ona görə də biz təklifimizi yazılı şəkildə vermişik və Azərbaycanın cavabını gözləyirik”, - Ermənistanın baş naziri bildirib.

Digər bir məqam isə beynəlxalq məhkəmələrdən qarşılıqlı iddiaların geri götürülməsi ilə bağlıdır. Paşinyan İrəvanın mübahisəli məsələlərin sonrakı müzakirələrinə son qoymağı və ikitərəfli münasibətlərin təmiz səhifədən başlayaraq yeni dövrünü açmağı təklif etdiyini deyib. Onun sözlərinə görə, sülh müqaviləsi layihəsinin bütün mühüm məsələləri artıq razılaşdırılıb. Bu layihədə çox dərin və həssas mövzular olsa da, bütün bu məsələlərdə artıq razılıq var. Məsələn, Bakı və İrəvan Sovet Ermənistanı və Sovet Azərbaycanının sərhədlərinə əsaslanaraq bir-birinin ərazi bütövlüyünü tanımağa razılaşıblar.

- Biz Ermənistan və Azərbaycanın bir-birinə qarşı heç bir ərazi iddiasının olmaması müddəasına razılaşdıq və onlar gələcəkdə də belə iddialarla çıxış etməyəcəklər. Əslində, bu, gələcək dünyanın təməl daşıdır və hər şey onun ətrafında əsaslandırılır. Bunu niyə deyirəm? Çünki o, aydınlaşdırır ki, sülh indi daha tez əldə edilə bilər və indi yalnız sülh sazişi layihəsini yekunlaşdırmaq, imzalamaq və davamlı sülhə nail olmaq üçün siyasi iradə lazımdır”, - Nikol Paşinyan vurğulayıb.

Qeyd edək ki, rəsmi İrəvan hələ də Azərbaycana qarşı ərazi iddialarının ehtiva olunduğu Ermənistan Konstitusiyasının dəyişdirilməsi barədə rəsmi Bakının haqlı tələblərindən yayınmağa çalışsa da, Nikol Paşinyanın son vaxtlarda sərgilədiyi ritorika onun manevr imkanlarının get-gedə tükəndiyini sübuta yetirir.

Sahil İsgəndərov
AzVision.az