Bildirilir ki, müğənni Stinq və həyat yoldaşı XVI əsrə aid sözügedən malikanəni 1997-ci ildə satın alaraq, üzərində təmir-bərpa işləri aparıblar. 2024-cü ilin iyununda isə müğənni mülkü 75 milyon avroya satıb. Onun yeni sahibi kimi İtaliyanın "San Tommaso SRL" şirkəti göstərilir.
("Database Italia" xəbər portalının iddia ilə bağlı irəli sürdüyü sənədlər)
Portal sənədlərə əsasən göstərir ki, adıçəkilən şirkətin sahibləri isə "Ukrayna vətəndaşları Vladimir Zelenski və həyat yoldaşı Olena Zelenska"dır. Vladimir Zelenskiyə məxsus aktivlərin siyahısında da bu şirkətin adının göründüyü vurğulanır.
Bu, Ukrayna liderinin bahalı mülklər alması ilə bağlı ilk fakt deyil. Belə iddialar irəli sürülür ki, onun Toskana vilayətindəki Forte dei Marmi şəhərində villası, Şimali Kiprin Girnə şəhərində hoteli var.
(İtaliyanın Fore dei Marmi şəhərində Vladimir Zelenskinin aid olduğu deyilən villa)
"Odatv" xəbər saytının may ayında verdiyi məlumata görə, hotel Belizdə qeydiyyatdan keçmiş "Film Heritage Inc." şirkətinə, həmin şirkət də məhz Vladimir Zelenskiyə aiddir. Hərçənd bu iddiaların yalanlandığı da bildirilir.
(İtaliyadakı "Tenuta il Palagio" adlı şərab malikanəsi)
Firudin Həmidli
AzVision.az
Vaxtında, Aydın, Lazımlı!
-1730471596.jpg&h=190&w=280&zc=1&q=100)
-1730458422.jpg&h=120&w=187&zc=1&q=70')
a-1727681504.jpg&h=200&w=200&zc=2&q=70)
