AzVision.az xəbər verir ki, tədbir iştirakçıları əvvəlcə Naxçıvan şəhərində yerləşən Ümummilli lider Heydər Əliyevin büstünü ziyarət edərək önünə gül dəstələri qoyublar. Sonra Ulu öndərin adını daşıyan muzeydə Ümummilli liderin həyat və fəaliyyətinə aid fotoşəkil və eksponatlarla tanış olublar.
Daha sonra yerli televiziya və mətbuat nümayəndələri üçün Mərkəzi Bankın Naxçıvan MR İdarəsinə press-tur təşkil edilib. Jurnalistlər İdarənin fəaliyyəti, onun struktur bölmələri yaxından tanış olublar. Media nümayəndələrinə Mərkəzi Bankın Naxçıvan MR İdarəsinin əməkdaşları tərəfindən təqdimatlar keçirilib. Təqdimatlar zamanı muxtar respublikada bank-maliyyə institutlarının inkişafı və maliyyə savadlılığının artırılması istiqamətində görülən işlərdən bəhs edilib. Tədbir iştirakçıları həmçinin İdarənin yerinə yetirdiyi funksiyalara, eləcə də muxtar respublikanın sosial-iqtisadi həyatındakı əhəmiyyətli roluna dair mühüm məqamlarla tanış olublar.
Mərkəzi Bankın Naxçıvan MR İdarəsinə press-turdan sonra jurnalistlər Naxçıvan Dövlət Universitetində olmuş və universitetin fəaliyyəti barədə onlara ətraflı məlumat verilib.
AzVision.az
Mərkəzi Bankın Naxçıvan Muxtar Respublikası İdarəsinə press-tur təşkil edilib - FOTOLAR
16 Oktyabr 2023
Oxunub:1213
Azərbaycan xalqının Ümummilli lideri Heydər Əliyevin anadan olmasının 100-cü ildönümü münasibətilə ölkənin aparıcı media orqanlarının nümayəndələri üçün Mərkəzi Bankın Naxçıvan Muxtar Respublikası (MR) İdarəsinə press-tur təşkil edilib.
Teqlər:
Vaxtında, Aydın, Lazımlı!
a-1727681504.jpg&h=200&w=200&zc=2&q=70)
