“Microsoft”un rəhbəri süni intellektin fəaliyyətindən narahatdır

   “Microsoft”un rəhbəri süni intellektin fəaliyyətindən narahatdır
  26 May 2023    Oxunub:1801
“Microsoft”un prezidenti Bred Smit bildirib ki, onu ən çox süni intellekt məsələsi narahat edir.
Bu barədə AzVision.az “Reuters”ə istinadən xəbər verir. “Microsoft”un rəhbəri insanların foto və ya videonun nə vaxt real olduğunu və onun süni intellekt tərəfindən potensial olaraq qorxunc məqsədlər üçün yaradıldığını bildiyinə əmin olmaq üçün tədbirlər görməyə çağırıb:

“Biz dərin saxtakarlıqla bağlı problemləri həll etməli olacağıq. Xarici kiber təsir əməliyyatlarının əksəriyyətindən, Rusiya, Çin, İran hökuməti tərəfindən artıq həyata keçirilən fəaliyyətlərdən narahat olduğumuza xüsusi diqqət yetirməliyik”.

O, əlavə edib ki, süni intellekt texnologiyalarında ən böyük narahatlıq “deepfakes”dir. Bred Smit həmçinin süni intellektin ən kritik formalarının lisenziyalaşdırılmasına çağırıb.


İlkin Nəcəfzadə
AzVision.az


Teqlər:





Xəbər lenti