Baxmut "cəhənnəmə" çevrilib - 1 aya 11 min itki

   Baxmut "cəhənnəmə" çevrilib -    1 aya 11 min itki
  18 Mart 2023    Oxunub:1011
Ukrayna ordusu bir ay ərzində Baxmut (Artemovsk) uğrunda gedən döyüşlərdə 11 minə yaxın hərbçi itirib. Ukrayna Silahlı Qüvvələrinin yaralı və təslim olmuş, itkin düşmüş hərbi qulluqçularının, eləcə də əcnəbi muzdluların sayı hələlik məlum deyil.
AzVision.az xəbər verir ki, bu barədə “RİA Novosti” Rusiya hücum dəstələrinin komandanlığına istinadən məlumat yayıb. Ukrayna Silahlı Qüvvələrinin sıradan çıxarılmış silah və texnikasının sayı ilə bağlı məlumatlar da açıqlanmır.

Rusiya mediası həmçinin yazır ki, məlum ağır itkilər və cəsədlərin daşınmasında yaranan problemlər səbəbindən Ukrayna komandanlığı Minkovka kəndi yaxınlığında səyyar krematoriya yerləşdirib.

Dəhşətli Baxmut döyüşləri - Hər yerə meyit səpələnib - FOTOLAR
Qondarma "Luqansk Xalq Respublikası"nın xalq milisinin istefada olan polkovnik-leytenantı Andrey Maroçko açıqlamasında bildirir ki, cəsədlər hətta yük maşınları və pikaplarla daşınır.

Eyni zamanda, Rusiya rəsmiləri bəyan edirlər ki, hücum qoşunları artıq Artemovskın yarısına nəzarət edirlər. Bu isə Ukrayna müdafiə qruplarının təchizat marşrutlarının Rusiya Silahlı Qüvvələrinin atəşi altında olması deməkdir.

Qeyd edək ki, Ukrayna tərəfi də sözügedən istiqamətdə baş tutan döyüşlərdə rusların minlərlə itki verdiyini bəyan edir.

Tural Tağıyev
AzVision.az



Teqlər:   Ukrayna   Rusiya  





Xəbər lenti