İran indi də uşaqları edam edir

İran indi də uşaqları edam edir
  19 Dekabr 2022    Oxunub:1022
İranda vəziyyət gərgin olaraq qalır. Rəsmi Tehran kütləvi etiraz aksiyalarına qatılanların gözünü qorxutmaq üçün vətəndaşları ya həbsə atır, ya müəmmalı şəkildə aradan götürür, ya da ölüm hökmünə məhkum edir.
Hətta 2 günə ona yaxın etirazçının öldürüldüyü deyilir ki, bununla bağlı beynəlxalq təşkilatlar etiraz bəyanatları yayırlar. Məsələn, "Amnesty İnternational" oktyabrın 26-27-də ölkənin dörd vilayətində azı səkkiz etirazçının və onların yas mərasiminə qatılanların öldürülməsindən sonra BMT-ni İrana qarşı "sərt tədbirlər" görməyə çağırıb.

Bundan başqa, molla rejimi aksiyalara görə baş tutan uşaq qətliamlarını da ört-basdır edir.

İranda etirazlarda iştirak edən iki yeniyetmə edam olunacaq
“Amnesty International” İran hökumətinin etiraz aksiyalarının qurbanı olan uşaqların ailələrini susmağa, onların yaxınlarının ölümünə görə məsuliyyətdən azad edən bəyanatlarla razılaşmağa məcbur etdiyi, ailələrə ciddi təzyiqlər göstərdiyi ilə bağlı faktları sənədləşdirib.

Öldürülən azyaşlılar haqqında bəzi məlumatlar isə belədir: Ölənlərdən 44-ü 18 yaşına çatmamış uşaq və ya yeniyetmədir. 44 uşaqdan 18-i bəluc, 10-u kürd, 60%-i İranın sünni azlığına mənsub bölgələrinin nümayəndələridir.
Ölənlərin böyük əksəriyyəti (44 nəfərdən 39-u) oğlanlardır, ən kiçiyinin iki yaşı var. Onlardan 34-ü odlu silahla vurulub. Qeyd edək ki, İranda etiraz aksiyalarında ölənlərin sayı ən azı 448 nəfər göstərilir.

“Amnesty International” həmçinin həyəcan təbili çalaraq bəyan edib ki, yeni edam qərarlarında uşaqların da adları var: "İranda ümummilli etirazlarla əlaqədar 3-ü uşaq olmaqla azı 28 nəfər edam oluna bilər. Artıq 6 nəfər saxta məhkəmələrdə edam cəzasına məhkum edilib. Rejim insanlarda qorxu yaratmaq və xalq üsyanına son qoymaq üçün ölüm hökmündən istifadə edir”.

AzVision.az



Teqlər:   İran   Edam   Aksiya  





Xəbər lenti


Azvision.az ©2014 | Bütün hüquqları qorunur