Azərbaycan idmançıları Gürcüstanda 7 medal qazanıb

  02 Mart 2020    Oxunub : 1612
Azərbaycan idmançıları Gürcüstanda 7 medal qazanıb
Gürcüstanın Rustavi şəhərində qraplinq, K-1 və MMA üzrə beynəlxalq turnir keçirilib.
Azvision.az xəbər verir ki, turnirdə ölkəmizi təmsil edən Azərbaycan Budo Döyüş Növləri Federasiyasının (ABDNF) idmançıları MMA versiyası üzrə qüvvələrini sınayıblar. Onlardan Nurəli Novruzov (40 kq), Təbriz İsaqov (50 kq), Malik Əhmədov (55 kq), Rauf Tapdıqlı (60 kq) və Nihat Nəsibov (70 kq) bütün rəqiblərini məğlub edərək fəxri kürsünün ən yüksək pilləsinə qalxıblar. Digər idmançılarımız - Elşən Əliyev (65 kq) və Pərviz Kərimli (60 kq, K-1) finalda məğlub olaraq gümüş medalla kifayətləniblər.

Turnirdə Azərbaycan, İran, Türkiyə, Gürcüstan, Ermənistan və Rusiya idmançıları iştirak ediblər.

Qeyd edək ki, döyüşçülərimiz yarışda ABDNF-in baş hakimi Ceyhun Hacıyevin rəhbərliyi altında mübarizə aparıblar.

Azvision.az

Teqlər: Gürcüstan   Yarış   İdman   Medal