“Ərdoğanın Bakıya səfəri faydalı nəticələr verəcək” - Türkiyə səfiri
Diplomat bildirib ki, Bakıda Azərbaycan-Türkiyə Yüksək Səviyyəli Strateji Əməkdaşlıq Şurasının 8-ci iclasında həm keçmişdə görülmüş işlər dəyərləndirildi, eləcə də gələcəkdə həyata keçiriləcək layihələrlə bağlı dövlət başçıları fikir mübadiləsi apardılar.
“Səfər çərçivəsində sənədlər imzalandı. Bunlardan ən önəmlisi preferensial güzəştli ticarət anlaşmasıdır. Bu, Türkiyə ilə Azərbaycan arasında ticarətin həcminin artırılması üçün çox əhəmiyyətli, dəstəkverici bir sənəddir”.
Səfirin sözlərinə görə, bundan başqa Xarici İşlər nazirlikləri arasında viza müddətinin 90 günə çatdırılmasına dair anlaşma imzalanıb. Bu da iki ölkə arasında gediş-gəlişi asanlaşdıracaq və təşviq edəcək.
"Həmçinin, Naxçıvanla bağlı razılaşmanın zəruriliyini vurğulamaq istəyirəm. Bir sözlə, cənab Ərdoğanın Bakıya səfəri son dərəcə önəmli, faydalı səfər oldu".
Pərvanə Sultanova
Azvision.az