Ağaoğlunun 150 illiyi ilə bağlı simpozium keçiriləcək

  30 May 2019    Oxunub : 1232
Ağaoğlunun 150 illiyi ilə bağlı simpozium keçiriləcək
AMEA-nın Milli Azərbaycan Tarixi Muzeyində oktyabrın 2-3-də görkəmli mütəfəkkir, ictimai və dövlət xadimi Əhməd bəy Ağaoğlunun 150 illik yubileyi münasibətilə beynəlxalq simpozium keçiriləcək.
Muzeydən Azvision.az -a bildiriblər ki, Azərbaycan, türk, ingilis, rus dillərində təşkil olunacaq simpoziumda Əhməd bəy Ağaoğlunun müsəlman Şərqində müasirləşmə problemləri ilə bağlı gördüyü işlərə, Azərbaycanda və Türkiyədə ictimai-siyasi, eləcə də türkçülüyün ideoloqlarından biri kimi fəaliyyətinə, onun müasirlərinə, Ağaoğluların Türkiyənin ictimai-siyasi həyatında roluna dair məruzələr dinləniləcək.

Simpoziumda iştirak etmək istəyənlər sentyabrın 10-dək məruzə tezislərini təşkilat komitəsinin [email protected] və ya [email protected] e-poçt ünvanlarına göndərməlidir. Tezislər 3 min, 3 min 500 işarə həcmində olmalı, Times New Roman-12 şrifti və sətirlərarası 1interval ilə yığılmalıdır. Səhifənin əvvəlində müəllifin adı, soyadı, işlədiyi müəssisənin adı, vəzifəsi, elmi dərəcəsi, elmi adı, elektron poçt ünvanı və əlaqə nömrəsi qeyd olunmalıdır. Simpoziumda iştirak xərcləri iştirakçıların özləri tərəfindən ödənilir.

Azvision.az

Teqlər: