Ukrayna Ukrainkanı da itirdi

Ukrayna Ukrainkanı da itirdi
  15 Yanvar 2025    Oxunub:399
Rusiya hərbçiləri qondarma Donetsk Xalq Respublikasının Ukrainka kəndini zəbt ediblər.
AzVision.az xəbər verir ki, bu barədə Rusiya Müdafiə Nazirliyi məlumat yayıb.

Patruşev: “Gələn il Ukrayna xəritədən silinə bilər”
Yayılan məlumatda qeyd edilib ki, "Mərkəz" Qrupunun bölmələri yaşayış məntəqəsini tam nəzarətə götürüb: "Onlar uğurlu hücumla Ukrainkanı azad ediblər".

Məlumatda həmçinin qeyd edilib ki, Xüsusi Hərbi Əməliyyat (SVO-rusların Ukrayna müharibəsinə verdikləri ad-red.) başlayandan bəri Rusiya hərbçiləri 40 480 pilotsuz uçuş aparatı, 283 helikopter və 652 təyyarəni məhv edib.

Bundan əlavə, Rusiya qoşunları 20 539 tank və digər zirehli döyüş maşını, 1509 MLRS, 590 zenit-raket kompleksi, 20 630 səhra artilleriya qurğusu və minaatan, həmçinin 30 305 xüsusi təyinatlı hərbi texnikanı məhv edib.

Qeyd edək ki, Rusiya ilə Ukrayna arasındakı genişmiqyaslı müharibə 2022-ci ilin fevralın 24-də başlayıb. Moskva işğal zamanı qoşunları Kiyevə qədər apara bilsə də, sonradan müharibədə üstünlük nisbətən Ukraynanın tərəfinə keçib. Ukrayna qoşunları ötən ilin iyunundan əks-hücum əməliyyatlarına başladılar. Amma bu da uğurlu olmadı. Son aylarda isə Rusiya yenidən döyüş meydanındakı vəziyyəti öz xeyrinə dəyişə bilib.

Tural Tağıyev
AzVision.az



Teqlər:   Ukrayna  





Xəbər lenti


Azvision.az ©2014 | Bütün hüquqları qorunur