"Beynəlxalq görüşlərdə tərcüməçi tapmırıq" - Paşinyan

      "Beynəlxalq görüşlərdə tərcüməçi tapmırıq"    - Paşinyan
  18 Aprel 2024    Oxunub:566
Biz şox vaxt Ermənistan hökumətinin işçiləri üçün beynəlxalq görüşlərdə bizə xidmət edəcək tərcüməçilər tapmaqda çətinlik çəkirik.
AzVision.az xəbər verir ki, bunu Ermənistanın baş naziri Nikol Paşinyan hökumətin iclasında Bryusov adına Dövlət Universitetinin yeni rektoru David Qyurdjinyana müraciətində deyib.

Paşinyan: "Delimitasiyadan imtina eskalasiyaya gətirib çıxaracaq"
“Ən çox yayılmış dillər istisna olmaqla, digər dillərdə peşəkar tərcüməçilər tapmaqda problemimiz var. İş o yerə gəlib çıxıb ki, regional dillərə dair tərcüməçilərimiz belə çatışmır. Bəzən təsəvvür etmək çətin olan problemlərlə qarşılaşırıq", - Ermənistanın baş naziri gileylənib.

İradlara reaksiya verən Qyurdjinyan qeyd edib ki, onlar hətta yüksək ixtisaslı erməni dili mütəxəssislərinin axtarışında belə çətinliklə üzləşirlər. Rektor qeyd edib ki, çox vaxt ali təhsil yalnız formal xarakter daşıyır.

Xatırladaq ki, 2022-2023-cü tədris ilində Ermənistanın 33 təhsil müəssisəsində regional dillərin tədrisi təşkil edilib. Onlardan 13-ü fars, 3-ü gürcü, 12-si türk və 4-ü Azərbaycan dilini öyrətməyə başlayıb. "Mkhitar Sebastatsi" təhsil kompleksində isə hər dörd dil öyrədilib.
AzVision.az



Teqlər:   Paşinyan   Tərcüməçi  





Xəbər lenti