AzVision.az xəbər verir ki, amerikalı biznesmen İlon Mask bu barədə özünün sosial media hesabında yazıb.
“Baydenin strategiyası çox sadədir. Ölkəyə mümkün qədər çox qanunsuz mühacir buraxaraq, daimi çoxluq – birpartiyalı dövlət qurmaq üçün onları leqallaşdırmaq. Bu səbəbdən o, qanunsuz miqrasiyaya göz yumur. Az sayda deportasiya da bununla izah olunur. Hər deportasiya itirilmiş səsdir”, - deyə İlon Mask vurğulayıb.
Hazırkı administrasiyasının miqrasiya siyasətini tənqid edən biznesmenin fikrincə, prezident ölkənin cənub sərhədini qorumaq üçün yetərincə iş görmür. İlon Mask Texas qubernatorunun ştatın Meksika ilə sərhədində təhlükəsizliyi təmin etmək ideyasını da dəstəkləyib.
Qeyd edək ki, bir müddət öncə Texas qubernatoru Qreq Ebbot dövlət sərhədlərinin qanunsuz mühacirlərdən qorunması məsələsində federal hakimiyyətlərlə münaqişəyə hazır olduğunu bildirib. ABŞ-ın sabiq prezidenti Donald Tramp, Birləşmiş Ştatların BMT-dəki sabiq daimi nümayəndəsi Nikki Heyli və 25 ştatın respublikaçı qubernatorları Ebbotu dəstəklədiklərini bəyan ediblər. Florida qubernatoru Ron Desantis və Oklahoma qubernatoru Kevin Stitt isə bunun üçün Texasa dəstək qüvvələri göndərməyə hazır olduqlarını deyiblər.
AzVision.az
Mask: "Bayden seçkilərdə dəstəyə görə qanunsuz miqrasiyaya göz yumur"
03 Fevral 2024
Oxunub:1160
ABŞ Prezidenti Cozef Bayden qarşıdakı prezident seçkilərində dəstəyinin artacağına ümid edərək qanunsuz miqrasiyaya göz yumur.
Teqlər:
Vaxtında, Aydın, Lazımlı!
_1512566280_1512579447.jpg&h=120&w=187&zc=1&q=70')
a-1727681504.jpg&h=200&w=200&zc=2&q=70)
