Ermənistandakı təyyarə qəzası ilə bağlı cinayət işi açıldı

Ermənistandakı təyyarə qəzası ilə bağlı cinayət işi açıldı
  02 Dekabr 2022    Oxunub:390
Ermənistan İstintaq Komitəsi dünən Kotayk rayonunun Craber kəndi yaxınlığında B55 təyyarəsinin qəzaya uğraması faktı ilə bağlı cinayət işi açıb. AzVision.az xəbər verir ki, bu barədə komitənin mətbuat xidməti məlumat yayıb.
Qeyd edilir ki, iş dəmir yolu, hava, dəniz nəqliyyatının hərəkəti və istismarı qaydalarını və ya təhlükəsizlik qaydalarını pozma maddəsi ilə başlanıb.

Ermənistanda təyyarə qəzasında ölənlər Rusiya vətəndaşlarıdır
İlkin araşdırma zamanı hadisə yerinə baxış keçirilib, qəzaya uğramış sərnişin təyyarəsinin fraqmentləri, iki nəfərin yanmış meyitləri və digər əşyalar aşkar edilərək götürülüb.

Qeyd edək ki, qəza dekabrın 1-i günorta saatlarında Ermənistanın Craber kəndi yaxınlığında baş verib. Təyyarənin yalnız "quyruq" adlanan bölməsi salamat sağ qalıb. Fövqəladə Hallar Nazirliyinin məlumatına görə, qəza nəticəsində pilotlar ölüb. Onlar Rusiya vətəndaşları olan A.P. (1979-cu il təvəllüdlü) və V.R. (1983-cü il təvəllüdlü) olub. Şəxsi təyyarə Slovakiyada qeydiyyatdan keçibmiş. Rusiya vətəndaşları “Zvartnots” hava limanından Həştərxana doğru uçublar. İnsidentin ilkin səbəbi kimi əlverişsiz hava şəraiti, sıx duman fonunda görüntünün pisləşməsi göstərilir.
Tural Tağıyev
AzVision.az

Teqlər:   Ermənistan   Qəza  







Xəbər lenti